EK dink nie ek was die enigste een wat ná K2 se vertoning Tribute to Bryan Adams met 'n breë glimlag uitgestap het nie.
Dié afgelope show by die Windmill-casino-en-vermaaklikheidsentrum in Bloemfontein was werklik die woord tribute werd.
Toe Kabous Wessels met daardie eerste paar note van Run to you losgetrek het, het 'n mens geweet: Hier kom 'n great show. Die aand se vertoning het uit 'n klomp Bryan Adams-gunstelinge bestaan: onder meer Cloud no.9, The only thing that looks good on me (is you), Back to you, Have you ever realle loved a woman? . . . 'n ware fees vir aanhangers.
Die band was werklik tight en hopelik hoor ons in die toekoms nog baie van dié talentvolle ouens.
