The Parlotones se liedjie "Life Design" het dit tot op MTV Europe gemaak!
"Life Design" is die tweede enkelsnit van hul treffer-album 'Stardust Galaxies' en is die video glo te danke aan KFC!
Die video het glo ontstaan as deel van die samewerking tussen The Parlotones en KFC Snacks se 'Be Inspired'-veldtog.
Die cool video was ook nie maklik om te maak nie! Ou hand, Eric van Wyk, was verantwoordelik vir die regie, terwyl 35 dansers gebruik is om die illusie te skep van volgehou beweging in die video.
'n Rig van 100m hoog moes gebruik word en die video is oor drie dae geskiet met die nuutste tegnologie om 'n danser op 'n Zoetrope uit te beeld. 'n Kamera moes in 'n sirkel beweeg teen net die regte spoed om die danser te wys in verskillende dele van die optrede!
"Life Design" is ook die eerste enkelsnit van The Parlotones wat reg oor Europa oor die radio gespeel gaan word.