Ek het een middag alleen by die huis gesit, hoogs verveeld, nadat die hoogtepunt van my dag gholf was...
Ek het myself vang dink aan my toekoms, nie 'n skaarse verskynsel nie, dit is immers al wat voor my lê, en ek't besluit dat die doel van die lewe op aarde eenvoudig is... Word 'n sukses, of word van vergeet. Aangesien ek sou doodgaan van 'n gebrek aan aandag, het ek besluit dat die enigste uitweg is om 'n sukses te word.
Ongelukkig, soos geskiedenis toon, is om 'n sukses te word nie 'n algemene verskynsel nie, jy kan dit slegs bereik deur harde werk en ''dedication'', twee van my ka... sorry uhm swakker eienskappe. So vra jouself af, dink jy rêrig dit kan so moeilik wees om 'n sukses te wees? Ek twyfel. Hoekom kan jy nie net awesome wees nie? Moenie harder werk nie, werk harder aan jouself... En as die wêreld jou reject, sorry. Dan moet jy seker maar harder aan jouself werk sodat jouself iemand anders kan word, oftewel, dis wat ek gedoen het.
Dan kan 'n mens seker ook maar stry oor wat sukses is, en hoe meet jy dit? In 'n eienaardige moderne samelewing, waar mense rondloop met verf op hulle naels en gesigte en plastiek in verlustigende dele van hulle lywe, kan 'n mens seker sukses aan seks meet, oftewel sekses. Of andersins kan jy dit aan geld meet. Jy kan seker sukses in geluk meet, as jy jouself wil troos dat jy nie genoeg geld of sekses het nie, maar in 'n materialistiese wêreld gaan jy ook maar van vergeet word, sorry. Jou lewe word beinvloed deur die mense om jou, maar op die ou end is al wat saak maak: of jy bo uitkom of nie.
In die tye waarin ons leef is daar 'n qoute wat een van my gunsteling-skeinatonderwyseresse altyd gebruik: "Six or a nix." En sorry bra, as jy jouself wil troos dat jy dit gaan maak deur happy met jouself te wees, is ek bevrees jy moet maar van die krieketveld afstap, en in die hoekie gaan staan, waar jy hoort.