Een in elke twee tieners drink alkohol.
Dít blyk uit statistiek wat SA Brouerye aangemoedig het om 'n vennootskap met die regering en die Nasionale Jeugontwikkelingsagentskap (NYDA) te vorm om 'n veldtog te loods wat minderjarige drankmisbruik aan te pak.
Luidens 'n verklaring van SAB is dié statistiek vir hulle onaanvaarbaar en wil hulle verandering onder Suid-Afrikaanse jeug meebring.
Die veldtog, You Decide, is gister in KwaZulu-Natal van stapel gestuur.
Volgens die NYDA-voorsitter, Andile Lungisa, neem hulle dié nasionale probleem van minderjarige drankmisbruik baie ernstig op.
Hulle beskou dit as "een van die grootste uitdagings" wat Suid-Afrika moet takel.
Die veldtog sluit onder meer interskool-kompetisies, klasse en riglyne vir ouers in. Daar is ook verskeie hulpbronne vir tieners beskikbaar, waaronder berading, leesmateriaal, 'n webwerf, Facebook-blad en interaktiewe speletjie.
Sien ook:
Tieners, dwelms en drank
Drank, dwelms kan tieners laat ontspoor
"Nie my kind nie!"
Wat sê tieners oor drank en drink?