Van krieket kan jy Anrich min vertel

Anrich Nortjé van die Hoërskool Brandwag op Uitenhage is vir die SA skole-krieketspan gekies na afloop van die Nuffield-week in Desember op Potchefstroom.

Net twee spelers van die Oostelike Provinsie is vir dié span gekies.

Anrich is ’n regshandige vinnige bouler. Hy was verlede jaar die kaptein van Brandwag se eerste krieketspan, en hy was die afgelope drie jaar ’n lid van die OP se o.18-span vir die Nuffield-week. Verlede jaar is hy aangewys as Brandwag se beste bouler en krieketspeler van die jaar.

Hy is ook ’n lid van die OP se o.19-span en van die Warriors se o.19-span. Vanjaar studeer hy aan die Nelson Mandela Metropolitaanse Universiteit.